 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Мёрзлы месяц з-за гор васількамі
Перасыпаў азёрную сінь.
Стыне ўсё...
Ледзянымі сярпамі
Выйшла восень рабіну касіць.
Тоўпы зор сьнегавым пералівам
Разматалі ў палёх павады.
Быццам коні з намыленай грывай –
У пацёмках застылі сады.
Хтосьці там, у шырокім прывольлі,
Дзе узьмежкі гараць серабром,
Засьпяваў пра шырокае поле,
Засьвістаў ледзяным салаўём...
Эх, як рвецца душа у прасторы,
Штосьці хочацца вечна кахаць,
I дзіцячае радасьці зоры
Ў ледзяных перазвонах зьбіраць.
Мёрзлы месяц з-за гор васількамі
Перасыпаў азёрную сінь.
Стыне ўсё...
Ледзянымі сярпамі
Выйшла восень рабіну касіць.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
